Málþing Eldvarnabandalagsins var haldið í Norræna húsinu fimmtudaginn 9. október sl. Þar var Atli Rútur Þorsteinsson, bygginga- og brunaverkfræðingur frá Örugg verkfræðistofu og formaður stjórnar Brunatæknifélags Íslands, með erindið: „Af litlum neista… Afleiðingar þess að lítill hlutur brennur en tjónið er gífurlegt.“ Í erindinu fjallaði hann um skilgreiningu brunavarna, flokkun brunatjóns og tók nokkur dæmi um hvernig mikið tjón getur orðið á byggingum þrátt fyrir að bruninn sé ekki stór. Mikið tjón getur t.d. orðið vegna reyks þegar það verður mikið sót, lykt og tæring. Það getur valdið tjóni út fyrir brunahólf eða byggingu Í sumum tilfellum er brunaþéttingum ábótavant, eldur getur breiðst út um lagnaleiðir án brunaþéttinga og farið þá á milli brunahólfa. Hér skiptir réttur frágangur brunavarna sköpum. Einnig geta orðið mistök þegar hús fá nýtt hlutverk og er breytt án þess að nægilega vel sé hugað að brunavörnum. Þá hafa komið í ljós frávik varðandi frágang brunavarna en meiri áhætta er í breytingum á eldra húsnæði Mikilvægt er að brunavörnum sé fylgt eftir alla leið frá hönnun til fullbúins mannvirkis. Huga þarf að samræmingu í líkönum og að tryggja gæði og öryggi mannvirkja almennt.
Málþing Eldvarnabandalagsins var haldið í Norræna húsinu fimmtudaginn 9. október s.l. Þar sagði Aldís Rún Lárusdóttir sviðstjóri forvarnasviðs hjá Slökkviliði höfuðborgarsvæðisins frá leikskóla verkefni sem þau eru í forsvarir fyrir um Björnis brunabanga Björnis er mjög þekkt og vinsælt barnaefni í Noregi en Björnis er núna í fyrsta sinn að fara út fyrir landsteinana. Þó svo Björnis sé nýkominn til landsins þá eru vinsældir hans miklar hér á landi þar sem RÚV hefur verið að sýna þætti um hann og eru áhorfstölur á þættina yfir 500.000 Þannig það verður gaman að geta boðið leikskólum landsins upp kennsluefni um Björnis sem samanstendur m.a. af leikskólamöppu og litabók.
Málþing Eldvarnabandalagsins var haldið í Norræna húsinu fimmtudaginn 9. október s.l. Þar var Pétur Pétursson slökkviliðsstjóri hjá Brunavörnum Árnessýslu með erindi um hvort slökkviliðsmenn væru öruggir í sínum störfum Þar fór hann yfir þau tæki og tól sem þurfa að vera til staðar og alltaf í lagi en sagði jafnframt að það væri bara hluti af öryggi slökkviliðsmanna. Fjallaði m.a. um þá fjölbreyttu þekkingu sem slökkviliðsmaður þarf að hafa. Þó alltaf sé ákveðin sérþekkingu hjá stærri slökkviliðum þá væri það alls ekki hægt hjá þeim minni og þar væru líka margir hverjir í hlutastarfi Nefndi hann sem dæmi að slökkviliðsmenn þurfi að kunna á allan tækjabúnað og nota hann við mjög mismunandi og oft á tíðum við mjög krefjandi aðstæður. Sem dæmi um þekkingu nefndi hann reykköfun, slökkvistörf utanhúss, björgun fastklemmdra, sjúkraflutninga, viðbrögð við eiturefnaslysum, fjallabjörgun, vatnsbjörgun, notkun stórra ökutækja, lyftubjörgun, vatnsdælingar ýmiskonar og fleira og fleira..
